ഞങ്ങളെക്കുറിച്ച്

കല, കായികം, സംസ്കാരം എന്നിവയുടെ പ്രോത്സാഹനത്തിനായി സജീവമായി പ്രവർത്തിക്കുന്ന പ്രസ്ഥാനമാണ് പാഞ്ചജന്യം. 1982-ൽ ചിറ്റൂരിലെ തെക്കേഗ്രാമത്തിൽ ഒരു ചെറിയ ഗ്രന്ഥശാലയായി പ്രവർത്തനം തുടങ്ങി. ഇന്ന് കേരള ഗ്രന്ഥശാല സംഘത്തിൽ അഫിലിയേറ്റ് ചെയ്ത എ ഗ്രേഡ് ഗ്രന്ഥശാലയാണ്. ചിറ്റൂരിലെ ആദ്യത്തെ റഫറൻസ് ലൈബ്രറിയും പാഞ്ചജന്യത്തിലാണ്.

പുരോഗമന ചിന്തയ്ക്കുള്ള ഉപാധികളായി കലയ്ക്കും സംസ്കാരത്തിനും ഇന്നത്തെ സമൂഹത്തിൽ പ്രസക്തി ഏറുകയാണെന്ന് പാഞ്ചജന്യം വിശ്വസിക്കുന്നു. ചിറ്റൂരിലെ ജനങ്ങളുടെ ജീവിതം സമ്പന്നമാക്കാൻ ഞങ്ങൾ നിരന്തരം പ്രവർത്തിക്കുന്നു. അർഹരായവർക്ക് സ്കൂൾ യൂണിഫോമും പ്രൊഫഷണൽ വിദ്യാഭ്യാസത്തിന് സ്കോളർഷിപ്പും സ്വയംതൊഴിലിന് സാമ്പത്തിക സഹായവും നൽകി വിദ്യാഭ്യാസവും സ്വയംതൊഴിലും പ്രോത്സാഹിപ്പിക്കുന്നു.

ലക്ഷ്യങ്ങൾ

• കല, സംസ്കാരം, മതനിരപേക്ഷത എന്നിവയുടെ പ്രോത്സാഹനത്തിലൂടെ സമൂഹത്തിന്റെ ആരോഗ്യം മെച്ചപ്പെടുത്തുക
• ചിറ്റൂരിന്റെ വികസനത്തിൽ സജീവ പങ്കാളികളാകുക
• സാമ്പത്തികമായി പിന്നാക്കം നിൽക്കുന്നവരെ പ്രൊഫഷണൽ വിദ്യാഭ്യാസം നേടാൻ സഹായിക്കുക
• സ്കൂൾ വിദ്യാഭ്യാസത്തെ പിന്തുണയ്ക്കുക
• സ്വയംതൊഴിൽ അവസരങ്ങൾ സൃഷ്ടിക്കാൻ സഹായിക്കുക

ചരിത്രം

• 1982 ചിറ്റൂർ തെക്കേഗ്രാമത്തിൽ ഒരു ചെറിയ ഗ്രന്ഥശാലയും സ്പോർട്സ് ക്ലബ്ബും തുടങ്ങി
• 1985 ഇ ഗ്രേഡ് ഗ്രന്ഥശാലയായി കേരള ഗ്രന്ഥശാല സംഘത്തിൽ അഫിലിയേഷൻ നേടി
• 1988 കേരള സർക്കാരിന്റെ സമ്പൂർണ്ണ സാക്ഷരതാ യജ്ഞത്തിൽ പങ്കാളിയായി
• 1998 പ്രസ്ഥാനത്തിന് തുണയായി പാഞ്ചജന്യം ട്രസ്റ്റ് രൂപീകരിച്ചു
• 1999 സ്വന്തം കെട്ടിടത്തിന്റെ നിർമ്മാണം തുടങ്ങി
• 2002 ഗ്രന്ഥശാല സ്വന്തം കെട്ടിടത്തിലേക്ക് മാറി
• 2004 വിദ്യാഭ്യാസ സഹായ പദ്ധതി തുടങ്ങി
• 2005 പാഞ്ചജന്യം ഫിലിം സൊസൈറ്റി തുടങ്ങി
• 2007 സ്വയംതൊഴിൽ സഹായ പദ്ധതി തുടങ്ങി
• 2008 ഒന്നാമത് പാഞ്ചജന്യം അന്തർദ്ദേശീയ ചലച്ചിത്രമേള ചിറ്റൂരിൽ
• 2009 ഗ്രന്ഥശാല കെട്ടിടം വിപുലീകരിച്ചു
• 2012 ചിറ്റൂരിലെ ആദ്യത്തെ റഫറൻസ് ലൈബ്രറി തുറന്നു
• 2013 ഡോ. കെ. ഗോപാലൻകുട്ടിയുടെ നേതൃത്വത്തിൽ ചിറ്റൂരിന്റെ പ്രാദേശിക ചരിത്രരചന തുടങ്ങി

ട്രസ്റ്റ്

ഗ്രന്ഥശാലയുടെ അടിസ്ഥാന സൗകര്യങ്ങൾക്ക് സഹായം നൽകാനായി 1998-ൽ പാഞ്ചജന്യം ട്രസ്റ്റ് തുടങ്ങി. ആദായനികുതി നിയമത്തിലെ 80-ജി വകുപ്പ് പ്രകാരം രജിസ്റ്റർ ചെയ്ത ചാരിറ്റബിൾ ട്രസ്റ്റാണിത്. ട്രസ്റ്റിനുള്ള എല്ലാ സംഭാവനകൾക്കും ആദായനികുതി ഇളവ് ലഭിക്കും.

സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ പഠനമികവുള്ള വിദ്യാർത്ഥികൾക്ക് പ്രൊഫഷണൽ വിദ്യാഭ്യാസത്തിനായി തിരിച്ചടയ്ക്കേണ്ടതില്ലാത്ത സ്കോളർഷിപ്പ് നൽകുന്നു. ഈ സഹായത്തോടെ പഠനം പൂർത്തിയാക്കിയ എല്ലാവരും ഇന്ന് ജോലി ചെയ്യുന്നു.

എല്ലാ വർഷവും സർക്കാർ സ്കൂളുകളിൽ പഠിക്കുന്ന നിർധന വിദ്യാർത്ഥികൾക്ക് സൗജന്യമായി യൂണിഫോമും നോട്ടുപുസ്തകങ്ങളും നൽകുന്നു.

സ്വയംതൊഴിൽ കണ്ടെത്താൻ അർഹരായവർക്ക് പലിശരഹിത സാമ്പത്തിക സഹായം നൽകുന്നു.

ട്രസ്റ്റിനെക്കുറിച്ച് കൂടുതൽ അറിയാനോ ഞങ്ങളെ പിന്തുണയ്ക്കാനോ ബന്ധപ്പെടുക.

ബന്ധപ്പെടാൻ

പാഞ്ചജന്യം ഗ്രന്ഥശാല
തെക്കേഗ്രാമം പി.ഒ., ചിറ്റൂർ
പാലക്കാട്, കേരളം 678101

navendu@panchajanyam.org
panchajanyamfilmsociety@gmail.com (ഫിലിം സൊസൈറ്റി)
+91 94474 22897
+91 94474 93933