മികച്ച ഡോക്യുമെന്ററി, ഹ്രസ്വചിത്രം, ക്യാമ്പസ് ചിത്രം എന്നിവയ്ക്കുള്ള മത്സരം
പതിനേഴാമത് പാഞ്ചജന്യം അന്തർദ്ദേശീയ ചലച്ചിത്രമേളയോടനുബന്ധിച്ച് നടത്തുന്ന മത്സരം.
മേളയുടെ പതിനേഴാമത് പതിപ്പ് 2027 ജനുവരിയിൽ ചിറ്റൂർ കൈരളി-ശ്രീ തീയേറ്ററുകളിൽ നടക്കും.
സമ്മാനങ്ങൾ
ഓരോ വിഭാഗത്തിലും താഴെ പറയുന്ന ക്യാഷ് പ്രൈസുകൾ നൽകും:
- മികച്ച ഹ്രസ്വചിത്രം: ₹10,000
- മികച്ച ഡോക്യുമെന്ററി: ₹10,000
- മികച്ച ക്യാമ്പസ് ചിത്രം: ₹5,000
നിബന്ധനകളും നിയമങ്ങളും
- 2026 ജനുവരി ഒന്നിനു ശേഷം നിർമ്മിച്ച ചിത്രങ്ങൾക്കാണ് ഈ മത്സരം.
- ഹ്രസ്വചിത്രങ്ങളുടെയും ക്യാമ്പസ് ചിത്രങ്ങളുടെയും ദൈർഘ്യം 30 മിനിറ്റിൽ കൂടരുത്. ഡോക്യുമെന്ററികൾക്ക് ഈ പരിധി ബാധകമല്ല.
- ഏതു ഭാഷയിലുള്ള ചിത്രങ്ങൾക്കും മത്സരത്തിൽ പങ്കെടുക്കാം. മലയാളത്തിലോ ഇംഗ്ലീഷിലോ അല്ലാത്ത എല്ലാ ചിത്രങ്ങൾക്കും ഇംഗ്ലീഷ് സബ്ടൈറ്റിൽ നിർബന്ധമാണ്.
- പങ്കെടുക്കുന്ന എല്ലാവരും പൂരിപ്പിച്ച അപേക്ഷാഫോം സമർപ്പിക്കണം.
- ചിത്രത്തിന്റെ ഹൈ ഡെഫിനിഷൻ പകർപ്പ് ഗൂഗിൾ ഡ്രൈവ് പോലുള്ള ഒരു പബ്ലിക് ക്ലൗഡിൽ അപ്‌ലോഡ് ചെയ്ത്, അതിന്റെ ലിങ്ക് അപേക്ഷാഫോമിൽ നൽകണം. ലിങ്കുള്ള ആർക്കും കാണാവുന്ന വിധത്തിലാണ് ഫയൽ പങ്കുവെച്ചിരിക്കുന്നതെന്ന് ഉറപ്പാക്കുക.
- മത്സരത്തിൽ പങ്കെടുക്കാൻ ₹500 ഫീസുണ്ട്. UPI, നെറ്റ് ബാങ്കിങ്, ഡിമാൻഡ് ഡ്രാഫ്റ്റ് എന്നിവ വഴി അടയ്ക്കാം; പണമടയ്ക്കേണ്ട വിവരങ്ങൾ അപേക്ഷാഫോമിലുണ്ട്. ഫീസ് അടച്ചതിന്റെ രേഖ ഫോമിനൊപ്പം അപ്‌ലോഡ് ചെയ്യുക.
- ക്യാമ്പസ് ചിത്ര വിഭാഗത്തിൽ മത്സരിക്കുന്ന ചിത്രങ്ങൾക്കൊപ്പം, പഠിക്കുന്ന കോഴ്സിന്റെയും സ്ഥാപനത്തിന്റെയും വിവരങ്ങൾ വ്യക്തമാക്കുന്ന, സംവിധായകന്റെ സ്വയം സാക്ഷ്യപത്രം ചേർക്കണം.
- ജൂറിയുടെ തീരുമാനം അന്തിമമായിരിക്കും; അത് ചോദ്യം ചെയ്യാനാവില്ല. മേളയിൽ പ്രദർശിപ്പിക്കേണ്ട ചിത്രങ്ങൾ ജൂറി തിരഞ്ഞെടുക്കും.
- അടച്ച ഫീസ് ഒരു കാരണവശാലും തിരികെ നൽകില്ല. പരാതികളിൽ മേളയുടെ സംഘാടക സമിതിയുടെ തീരുമാനം അന്തിമമായിരിക്കും.
- പാഞ്ചജന്യം മുൻപ് നടത്തിയ ഏതെങ്കിലും മത്സരത്തിൽ പങ്കെടുത്തതോ മുൻ പാഞ്ചജന്യം അന്തർദ്ദേശീയ ചലച്ചിത്രമേളകളിൽ പ്രദർശിപ്പിച്ചതോ ആയ ചിത്രങ്ങൾ ഈ മത്സരത്തിന് പരിഗണിക്കില്ല.
- തിരഞ്ഞെടുത്ത ചിത്രങ്ങളുടെ പ്രദർശനസമയം മേളയുടെ പരിപാടികൾ താളിലും ഞങ്ങളുടെ ഇൻസ്റ്റഗ്രാം, ഫേസ്ബുക്ക് പേജുകളിലും പ്രസിദ്ധീകരിക്കും.
കൂടുതൽ വിവരങ്ങൾക്ക്
- വാട്സാപ്പ്: +91 85909 52380 (പുതിയ ടാബിൽ തുറക്കും) (പ്രശാന്ത്)
- വാട്സാപ്പ്: +91 94474 93933 (പുതിയ ടാബിൽ തുറക്കും) (രൂപേഷ്)
- ഇമെയിൽ: navendu@panchajanyam.org
